Успешна приказна – И ние можеме!

Запознајте го Јордан, младо лице со аутистичен спектар на нарушување кое храбро се качи на сцената и пееше на концертот на познатиот бенд „Нокаут“.

Неговите успеси продолжуваат и на Специјалната Олимпијада во Санкт Петербург, каде освои сребен медал. На државниот натпревар во рецетирање го освои првото место. Исто така има освоено трето место на натпреварот во куглање и пикадо. Ова младо лице има одлично познавање на англискиот јазик. Во иднина сака да го продолжи своето образование на Факултетот за информатички науки и комјутерско инженерство. Тој е  активно вклучен во активностите кои ги имплементира ЦМА Крик, а досега има учествувано и на младински размени.

Успешните приказни се дел од проектот „Youth participation for ALL!“. Проектот се спроведува во рамки на регионалниот проект „Средиште на младински банки за западен балкан и Турција“, а финансиран од Европска Унија. Проектот „Средиште на младински банки за Западен Балкан и Турција“ трае четири години. Тој е поддржан од Европската Комисија, а ги вклучува организациите: Ана и Владе Дивац Фондација – Ana and Vlade Foundation(Србија), Прима Асоцијација – Prima Association (Црна Гора), Центар за промена и менаџмент на конфликт – Center for Change and Conflict Management (Албанија), Фондација за волонтирање – Community Volunteers Foundation, како и Маладиинфо Интеранционал (Македонија). Целта на проектот е да се поттикнат младите луѓе да делуваат во нивната локална заедница и преку кампањи за застапување да се приближат и вклучат во процесот на донесување на одлуки на локално ниво.

Leave a Reply

Your email address will not be published. Required fields are marked *