Повик за учесници на настани на отворено

Центарот за младински активизам ЦМА Крик објавува повик за учесници на настани на отворено во околните излетнички места во Скопје, како дел од младинските програми кои се спроведуваат во три специјални училишта во Скопје.

Проектот „Средиште на младински банки за Западен Балкан и Турција“ трае четири години. Тој е поддржан од Европската Комисија, а ги вклучува организациите: Ана и Владе Дивац Фондација – Ana and Vlade Foundation(Србија), Прима Асоцијација – Prima Association (Црна Гора), Центар за промена и менаџмент на конфликт – Center for Change and Conflict Management (Албанија), Фондација за волонтирање – Community Volunteers Foundation, како и Младиинфо Интеранционал (Македонија).

Целта на проектот е да се поттикнат младите луѓе да делуваат во нивната локална заедница и преку кампањи за застапување да се приближат и вклучат во процесот на донесување на одлуки на локално ниво.

Во рамки на овој проект, како регрантисти, ЦМА Крик го спроведува проектот „Youth Participation for ALL!“. Главната цел на проектот е да се придонесе кон создавање на силно, инклузивно и демократско општество во кое младите луѓе се целосно вклучени и помагаат во нивниот развој, развивајќи се себе си на лично и социјално ниво. 

Во склоп на активностите, во партнерство со Сојуз на извидници на Македонија предвидено е да се имплементираат 5 настани на отворено, кои ќе се имплементираат во периодот од Април до Мај 2019, а на кои активно учество ќе земат 20 млади лица.

Настаните на отворено ќе бидат организирани од тим составен од младински работници. Овие настани на отворено ќе опфатат активности од едукативен и забавен карактер, а имаат за цел да ја зголемат социјалната инклузија на младите лица со попреченост, кои ќе имаат можност да поминат време со своите врсници од типичен развој.

Петте настани на отворено ќе бидат имлементирани во периодот од Април до Мај 2019 година, на пет локации во Скопје, и тоа:

Скопско Кале – 16. 04 .2019 г. вторник;

Трим патека во Паркот на природата (Гази Баба) – 23. 04. 2019 г. вторник;

Градски парк – 07. 05. 2019 г. вторник;

Шамак ливада – 21.05. 2019 г. вторник;

City tour – 28. 05. 2019 г. вторник.

Доколку сте заинтересирани пополнете ја оваа оваа апликациска форма најдоцна 3 дена  пред одржување на настанот за кој аплицирате.

Проектот “Youth Participation for ALL” се спроведува во рамки на регионалниот проект „Средиште на младински банки за западен балкан и Турција“, а финансиран од Европска Унија.

Доколку имате имате дополнителни прашања, можете да не контактирате на: infokrikcenter@gmai.com

Camp me in! – Кампања за прибирање на средства-Рачно изработени алки во парк

ЦМА Крик заедно со Сојузот на извидници на Македонија ја спроведува кампањата за прибирање на средства за имплементирање на летните инклузивни кампови! Камповите се 6 дневни кампови кои се организираат во Извидничкиот центар Охрид наменети за млади лица со попреченост и без. За таа цел се предвидени низа активности, започнувајќи од месец Март 2019.

Овој викенд тимот одговорен за прибирање средства одлично си помина изработувајќи алки.

Изминатата недела, како дел од регуларните младински програми во специјалните школи, учесниците заедно со младинските работници подготвија алки и привезоци. Во саботата, на 6ти април, Билјана (Асистент за финансии), Александра (координатор за младински програми) и Коки (координатор за програми за мобилност) заедно со Белтина и Џампо (ЕВС волонтери во Крик) и учениците од ДСУ за рехабилитација и образование “Св. Наум Охридски” организираа настан во Градскиот парк. Тие ги понудија алките и привезоците на посетителите на Градскиот парк. Алките немаа цена, луѓето оставаа донација колку сметаат дека сакаат и се во можност.

Од настанот во Градскиот Парк се собраа 1582 мкд.

Секој викенд до крајот на кампањата ќе се одвиваат слични настани на различни локации. Доколку сте заинтересирани да се приклучите кон спроведување на активностите пополнете ја следнава форма https://docs.google.com/forms/d/e/1FAIpQLSc849krWEXUx7XYbAVko_ITmLW2TQi1JqYz02IHGyK7SoLSxA/viewform?fbclid=IwAR1Jf6RW4mh7_2X8O7_HZrslaEyDGakRgXWkdxbN-Z9KTAhupuY74e_b-6E

Остануваме во контакт за наредните викенди

Планот за собирање на средства е следен:

-Котизација за учесниците (во котизацијата се вклучени минималните основни трошоци како храна, превоз и работниот тим) пријавување на учество на  следнава форма

-Кампања за прибирање средства онлајн која можете да ја најдете на платформата indiegogo 

Доколку сте во можност би ви биле благодарни доколку донирате за реализација на Инклузивните летни младински кампови.

-Подаруање на алки и други производи подготвени од лицата со попреченост и без, со очекувана донација.